كبرياء عاشقة ٨ ل هدير نور

تتصنع الحزن
اتريق عليكي !! اخص عليكي يا كارما ده انا فضلت اتحايل علي اسماعيل طول الليل علشان يوافق يبقي ده جزاتي
نظرت اليها كارما بشك قائلة بحزم
طيب هفترض انك بتتكلمي جد انتي بقي هتستفيدي ايه متقوليلش انك اقنعتيه لله والوطن بعدين وهو ازاي وافق بسهوله كده !
اخذت ثريا تنظر اليها وهي تتصنع الحزن قائله بمكر
بصراحة هستفاد كتير ان الناس تبطل تبصلي علي اني انا مرات الاب الشريره اللي السبب في مظهرك ده. الناس فاكره ان انا اللي بقنع ابوكي بكده اما عن اسماعيل وافق بسهوله ليه 
لتكمل وهي تنظر الي كارما بخبث و مين قالك انه وافق بسهوله ده طلع عيني عقبال ما وافق بس هو ميقدرش يرفضلي طلب زي ما انتي عارفة
نظرت اليها كارما پحقد قائله بتحدي
بس انا عجبني شكلي كده ومش هتغير و مش بمزاجه ولا بمزاجك اغير لبسي وقت ما تحبوا لتكمل كارما بسخرية
بعدين لسه فاكرة تخافي علي شكلك قدام الناس دلوقتي
لتنظر اليها ثريا وعينيها تشتعل بالڠضب قائله پحقد
يعني انتي عجبك القرف اللي بتلبسيه ده !
نظرت اليها كارما وهي تبتسم ببرود اها عجبني
لتنظر اليها ثريا پحقد لتهتف وهي تغادر الغرفة پغضب
هتعيشي وټموتي غبية خليكي شبه الرجاله كده ولا حد هيعبرك
ظلت كارما تتابع مغادرتها للغرفة وهي يرتسم علي وجهها ابتسامة ساخرة سرعان ما تحولت هذه الابتسامة الي بكاء مرير فهي لم تعد تستطيع فهم ما يحدث حولها
كان يجلس الجميع في غرفة الطعام يتناولون افطارهم عندما دخل ادهم الغرفه وهو يلقي عليهم تحية مقتضبة لتتعلق عينين كارما به تحاول ان تطمئن عليه لتنظر الي يده المصاپة لتجدها قد تم لفها ببعض الضمادات الطبيه لتزفر كارما بارتياح فيبدو انه قد قام بمعالجتها بنفسه .
لتلاحظ نرمين نظرات كارما المتصبه علي يد ادهم المصابه لتهتف وهي يرتسم علي وجهها ابتسامة خبيثة
ايدك عاملة ايه دلوقتي .
لتكمل وهي تنظر لكارما بخبث
تحب اغيرلك عليها زي امبارح
عند سماع كارما لكلماتها هذة رفعت رأسها بحدة تنظر الي ادهم بدهشة
ليقابل ادهم نظراتها هذه ببرود
وهو يجيب نرمين
شكرا يا نرمين لما احب اغير عليها هبقي اعرفك
اخذت كارما تنظر اليه پألم وهي تفكر لما رفض منها مساعدتها بينما وافق علي مساعدة نرمين له اهي فعلت شيئا اغضبه منها الي هذا الحد اما انه لم يعد يطيق رؤيتها
بينما ظل ادهم متجاهلا نظراتها تلك وكأنها ليست بالغرفة .
كانت ثريا تتابع ما يحدث بفرح فخطتها كانت تسير كما تريد تماما لتقول بمكر
ادهم عيد ميلاد نرمين النهاردة كنت عايزة استأذنك لو ينفع يعني نعمل عيد ميلادها ونعزم اصحابها وقرايبنا
الټفت اليها ادهم قائلا بلطف
اعملي اللي انتي عايزاه يا مرات عمي .
ليكمل وهو يوجه حديثه الي نرمين
وترتسم علي شفتيه ابتسامة رقيقه
كل سنة وانتي طيبه يا نرمين
لتجيبه نرمين بحماس ويرتسم علي وجهها ابتسامة عريضة
وانت طيب يا ادهم اكيد هتحضر الحفله مش كده
ليهز ادهم رأسه موافقا بصمت
اخذت كارما تتابع ما يحدث وهي تغلي من الڠضب لتفكر لما هو رقيق الي هذا الحد مع تلك الحقېرة لتقبض علي شوكة الطعام التي بيدها بقوة حتي ابيضت مفاصلها من شدة الڠضب
لتدخل عزيزة الي الغرفة وهي تهتف بحماس
الست صفية وصلت
نهض كلا من كارما وادهم سريعا لاستقبالها بينما ظلت ثريا ونرمين بمكانهم
لتقول ثريا بغيظ وهي تلوح بشوكتها في الهواء
الست المحامية بتاعتها رجعت 
لتكمل بغيظ
مش عارفه اعمل ايه معها منشفة راسها واخوكي هيجي ع حفلتك بليل ده لو شافها بمنظرها ده استحاله يوافق انه يكمل