احببت مديرى الوسيم
اسكربت
مديري الوسيم
انت اټجننتي يا ميار عاوزة تلعبي علي مروان السيوفي فاكرة انه هيجي بالشويتين دول
ميار بتفكير وايه يعني لما العب عليه مش يمكن ټضرب معايا واعدي الفقر بقي الواحد چتته نحست منه وعاوز يغير يا ريهام
مرام بضيق يا ستي اتعشمي واحلمي مقولناش حاجة لكن تلعبي علي صاحب الشركة اللي احنا شغالين فيها وتراهني بالشغلانة اللي مكناش نحلم بيها تبقي غبية وانا مش زيك ولا يمكن هكون زيك
ميار بسخرية ماهو عشان انتي وش فقر ولو اعرف كدة مكنتش وافقتك لما قولتيلي انك عاوزة شغل وجبتك تشتغلي معايا هنا ده انا قولت هتساعديني اوقعه
مرام بتلقائية طب يا ستي متشكرة ليكي عشان شغلتيني معاكي بس انا مليش في جو الخطط بتاعتك دي وياريت يعني تبعديني عنه لاني راضية بحالي واني فقيرة وحامدة ربنا وشاكراه لكن انتي عاوزة تعيشي عيشة مش عيشتك وانا مليش دعوة بيكي
ميار بضيق عندك حق ياريتني ما كنت حكتلك اصلا انا بقول اقوم اشوف شغلي واكمل خططتي وانتي يا حبيبتي كملي شغلك اللي ما صدقتي انك لقتيه عشان تصرفي علي امك وابنك بعد ما اطلقتي من جوزك وخلصتي منه
مرام بحزن وهي بتفتكر عندك حق يا ميار سيبيني بقي اشتغل
بعد اسابيع من الخطك في الشركة ميار كانت واقفة قدام المراية في الحمام بتعدل شكلها كانت حاطة ميكاب تقيل و واضح ومظبطة شعرها بطريقة مقصودة كأنها عروسة مولد وكانت مستعدة لأول خطوة في خطتها
فخرجت من الحمام بخطوات واثقة وهي بتتخيل السيناريو اللي هيحصل لحد ما لقت مروان السيوفي واقف في طرقة الشركة بيتكلم مع حد من الموظفين بس شكله كان مسيطر كعادته زي نبرة صوته الهادية بس قوية وكل اللي حواليه واضح عليهم الاحترام والخۏف في نفس الوقت
ميار أخدت نفس عميق وعدلت من نفسها وهي بتقرب وعملت نفسها إنها مش واخدة بالها منه وراحت ناحية آلة القهوة االي كانت قريبة منه وهو فعلا لمحها بعينه بس غير ما يظهر أي اهتمام لانه عاؤف انها محاولة رخيصة منها عشام تلفت انتباهه زي قبلها ما بيعملو كتير
ميار بابتسامة ناعمة وهي بتشغل آلة القهوة يوم مرهق جدا
قالت كدة كأنها بتكلم نفسها بس كانت عارفة إنه سامعها ومروان بصلها بسخرية ومردش و كمل كلامه مع الموظف اللي معاه بس قبل ما يمشي وقع نظره على مرام اللي كانت واقفة بعيد قدام مكتبها مركزة في شغلها اللي علي ايديها
عينيه اثبتت عليها فجأة وكان مش عارف هو ليه ركز معاها كانت مختلفة عن اللي حواليها مفيهاش تصنع مفيهاش تملق ومفيهاش المحاولات الرخيصة اللي متعود عليها
ميار لاحظت ده فورا وشافت ازاي عينه راحت لمرام بدل ما يبصلها هي بدل ما ينجذب للخطة اللي حطتها من أسابيع فعضت على شفايفها پغضب و بسرعة غيرت تعابيرها وخدت نفس قوي
ميار بصوت ناعم وهي بتحاول تجذب انتباهه ليها تاني مروان بيه ممكن أسألك حاجة
مروان حول نظره ليها بس ببرود خير
ميار بابتسامة واثقة كنت بفكر أقدم فكرة جديدة لقسم التسويق بس بصراحة كنت محتاجة رأيك قبل ما أرفعها للإدارة
مروان بنبرة جدية قدميها عادي ولو الفكرة تستاهل هتوصل للإدارة من غير ما تحتاجي رأيي
رد قطع خطتها كان واضح إنه مش مهتم بالكلام وإن عقله راح لحتة تانية ولما عينه رجعت تدور في المكان لقاها تاني مرام
مرام اللي كانت مركزة في شغلها مشغولة بتعد ملفات ومش شايفة حتى إن في حد بيراقبها
مروان رفع حاجبه باهتمام خفيف
