احببت مديرى الوسيم
توتر عشاني ولا عشان خاېفة الاكل يطلع وحش
مرام ابتسمت بخجل وهي بتتجنب عيونه احم مفيش حاجة اتفضل اقعد بقي
يوسف بيظهر فجأة ولانه طفل ذكي بص لمروان بفضول كأنه بيحاول يحلله
مروان وهو بيركع قدامه بابتسامة انت يوسف صح
يوسف بحذر طفولي ايوه وانت بقي مين
مروان وهو بيضحك أنا مروان صديق ماما وكلمتني عنك كتير
يوسف وهو بيبص لمرام صح يا ماما ده صديقك
مرام وهي بتبتسم بخجل اه صح يا حبيبي ده مروان مدير الشغل عندي وصديقي
مروان بيمد إيده وسلم علي يوسف ويوسف ايتجاوب بسرعة وهو بيبص لمروان براحة لانه بيتكلم معاه بحنية
مروان بابتسامة انا بقى بحب الأبطال اللي زيك اللي بيحموا مامتهم
يوسف بفخر ايوة أنا بحميها وهي أحسن ماما في الدنيا
مروان وهو بيبص لمرام بإعجاب عارف ومش مستغرب خالص
مرام بتتوتر وزينب بتراقب المشهد بسعادة بس فجأة بيتفتح الباب ويدخل واحد طويل بملامح حادة ويبقي ابن عم مرام وخطيبها السابق أحمد
أحمد باستغراب السلام عليكم ازيك يا مرات عمي
مرام بتتوتر وبتبص لامها ومروان عنيه بتضيق وهو بيبص لاحمد بتحفظ وبيظهر عليه الغيرة بس بيحاول يسيطر على نفسه
زينب بابتسامة أحمد! تعالى اتفضل ده احمد يا مروان يابني يبقي ابن عم مرام
أحمد وهو بيبص لمروان بشك وكنت خطيبها عموما مش هطول عليكم انا كنت جاي أشوفكم يا مرات عمي واعرف رأي مرام ايه في اللي طلبته
مرام بجدية في ان كل شئ قسمة ونصيب يا احمد ومفيش كلام غير كدة
احمد بخيبة امل تمام يا مرام اللي انتي شايفاه انا ماشي
مروان فهم اللي بين السطور وعرف ان احمد كان متقدم لمرام فبصلها بغيرة ومرام بتحس بالاحراج وبتحكيله بعنيها وكأنها عاوزة تطمنه
مرام بهمس وهي بتقرب من مروان صدقني ده كان موضوع وانتهى من زمان
مروان وهو بيبص لمرام بامتنان عجبني إنك بررتي من غير ما أطلب ده معناه إن ليا أهمية عندك
مرام اتوترت و حاولت تتجاهل نظراته بس هو بيقرب منها بخطوة ثابتة وصوته بيكون جد
مروان بجدية مرام أنا بطلب إيدك رسمي
مرام بتفتح عيونها پصدمة وزينب بتبتسم بسعادة اما ويوسف بيبصلهم پصدمة واستغراب
مرام بصوت متوتر انت بتقول ايه يا مروان بس
مروان بثقة بطلبك زوجة وعايزك تكوني معايا طول العمر انتي ويوسف انا خلاص بقيت صديقه ومش هقدر اسيبه
يوسف ابتسم بفرحة وهو بيبصلهم وكان مستني رد امه بفضول قوي
اما مرام فقلبها دق بسرعة بس فجأة صورة ميار بتيجي في بالها وبتتوتر
مرام بصوت متردد مروان أنا بصراحة مش عارفة
مروان وهو بيقرب أكتر خاېفة من ميار مش كدة
مرام بتسكت ومروان بيفهم علطول بس بيبتسم بثقة وبيقول بحزم
مروان بجدية مټخافيش أنا
هنا ومحدش هيبعدنا طول ما انتي معايا وجمبي
مرام بتبصله بعيون مترددة بس جواها سعادة مش قادرة تخبيها وزينب بتراقبهم بسعادة وهي بتحس إن بنتها أخيرا لقت اللي يستاهلها
مرام بخجل موافقة يا مروان لانك الراجل الوحيد اللي حسيت معاه بالامان واللي واثقة انه هيصوني ويحميني بروحه
مروان بسعادة اوعدك اشيلك في قلبي واحميكي بعمري يا مرام وصدقيني هيبقي قليل عليكي لاني من وقت ما عيوني وقعت عليكي وانا اتأكدت انك غير اي بنت في الدنيا
ايتسمت مرام بخجل وهي بتبص ليوسف ابنها اللي كان مبتسم وفرحان عشانها وكأنه فاهم ان مروان عوضها
