ورده الادهم

من سرعتها داخت لكن مسكت نفسها
ادهم أحسن شوية
مريم بصيتله و هزت رأسها و قررت جواها أنها تسبها على ربنا زي مهي متعوده و افتكرت مقولتها دايما ما دام الله معك يري و يسمع ما لا تراه ولا تسمعه فلا داعي للقلق 
ادهم هطلبلك عصير يفوقك شوية
مريم بحرج احم مفيش داعي أنا تمام
ادهم تمام بصي انا مستعد اخرجك من هنا بس بشرط واحد
مريم بصيتله باستغراب و قالت شرط اي دا !
بصلها بخبث و قال ....
اذكروا الله 
بعد فترة مريم رجعت البيت و دموعها على خدها دخلت البيت لقت اختها مستنياها و قالت بسرعة و لهفة اي يا مريم اتاخرتي كدا لي !
مريم بابتسامة مزيفة مفيش حاجة يا قلب مريم بس الشغل كان كتير و انتي عارفه إني بدور على شغل تاني غير الورد دا
ندي بحزن ما انا قولتلك انزل أشتغل معاكي و اساعدك و انتي اللي مش راضية
مريم بصرامة لا يا ندى احنا اتكلمنا في الموضوع دا قبل كدا و انا قولتلك لا يعني لا و تشيلي الموضوع دا من دماغك خالص لما اموت ابقي اعملي اللي انتي عوزاه
ندى بسرعة بعيد الشړ عنك يا حبيبتي منقوليش كدا تاني عشان خاطري
مريم بابتسامة مزيفة المۏت علينا حق يا ندي كلنا ھنموت و هتقابل وجه كريم سواء انا بقي من قبلك انتي مۏتي قبلي يبقي رحلتك خلصت في حياه مش مقدملنا الا الۏجع .. كانت من جواها بتتمني المۏت و أنها تخلص من حياتها دي بس رجعت و فكرت في اختها و استغفرت ربنا 
ندى بابتسامة طب يلا بقي تعالي كولي لقمة انتي على لحم بطنك من الصبح و بتلفي على رجلك
مريم بابتسامة تمثيل لا يا ندى انا مش جعانة كولي انتي يا حبيبتي
ندى بحرج مهو بصي يا مريم انا كنت محتاجه فلوس عشان هصور ملزمة زي ما انتي عارفة احنا داخلين على امتحانات الثانوية العامة و انا بذاكر في البيت من غير حتي دروس
مريم اتنهدت بۏجع و بصت ليها و قالت حاضر يا ندى كل اللي انتي عاوزه يا حبيبتي مدت اديها في جيبها و طلعت الفلوس اللي باعت بيها الورد قبل ما تروح القسم و اديتهالها و قالت لو ناقص فلوس تاني هجبهالك بكره يا حبيبتي
ندي بتسرع لا لا دول حتي كتير اوي يا مريم خدي الباقي اهو
مريم برفض لا يا ندى خلي الباقي معاكي يمكن تحتاجية معدش عارف بكره في أي انا هدخل انام شوية لاني تعبانة اوى
ندى ماشي يا حبيبتي ادخلي استريحي انتي و انا هخلص مذاكرة هنا و اجي انام جمبك
هزت مريم رأسها و دخلت الاوضة من غير كلام
اذكروا الله 
دومي بشا عامل اي يا برنس الليالي
ادهم عارف ياض يا طارق انا اللي مصبرني عليك اي !
طارق خفة دمي أكيد يعني
أدهم غلط يا دغف اللي مصبرني عليك انتي هاخدك نتضرب بكره انا وانت عشان تبقي تحترم نفسك معايا أوي لما اقول اسمي ادهم بس يبقي ادهم بس
طارق پخوف هو أنا مقولتلكش
أدهم باستغراب قولتلي اي . لا مقولتليش حاجة
طارق مش انا بكره رايح اعزي مش هينفع اجي معاك ..
ادهم تعذي في مين يخويا هو حد يعرفك غيري يا معفن
طارق وقف و قال قبل ما يجري من قدامه هعزي في رمضان السكري يخويا
أدهم رمضان السكري .. الواد دا اهبل وألا اي مين رمضان دا كمان
طارق من ورا الباب قال رمضان يا قلب اخوك اي مش عارفه بتاع مسرحيه العيال كبرت
ادهم بغيظ مسرحية العيال كبرت تصدق يلا إنك تافه
اذكروا الله 
رنا بس يا ماما و هي دي حكايه مريم و ندي
يا حبايبي شالوا الهم بدري أوي يا رنا ما تساعديهم يا رنا و لو عاوزين فلوس قولي و خدي ليهم
رنا لا يا نجلاء مينفعش ندي بتضايق أوي لو حد جه يديها مساعده عزيزه النفس أوي أما مريم بتقول احنا مش محتاجة حاجة ز ربنا سترها معانا دايما
نجلاء يا حبايبي عزه النفس برضوا يا بنتي يلا قومي ذاكري و ايبقي ادي الكتب القديمة اللي كنتي جيباها من بنت خالتك لندي تذاكر فيها الامتحانات خلاص قربت و اهو تساعديها من غير ما تحرجيها
رنا صدقي فكرة يا نوجا باذن الله هديهالها بكره
اذكروا الله 
دخلت اوضيتها و قعدت على السرير بدموع و يتفتكر اللي حصل ..
فلاش باك ..
كانت واقفة مع اللي اتمسكم و جه الشاويش يزعق و قال .. ادخولوا جوا يلا الباشا عاوزكم .. دخلت معاهم المكتب و وقفت في ركن لوحدها بناءا على طلبه و يتتفرج على اللي بيحصل بدموع
أدهم قاعد على مكتبه و قال لواحده قوليلي بقي يا روح امك كنتي بتعملي اي في المكان المشپوه دا!
والله يا بشا انا مظلومة انا اااا ملحقتش تكمل كلامها و لقت اللي القلم نازل على وشها و الشاويش بيقول لما البشا يقول حاجة تتنفذ و تقولي اللي حصل و محوريش يا روح امك
باااك
افتكرت كمان لما قالها هخرجك من هنا بس بشرط و افتكرت الشرط و عيطت اكتر .. كانت بتكتم دموعها عشان اختها متاخدش بالها
اذكروا الله 
في قصر كبير طلع راجل كبير و قال هو ادهم برضوا مش ناوي يرجع القصر طيب يا ادهم مبقاش انا عمران الشرنوبي اللي لما جبتك قريب اوي يا ادهم
يتبع
الفصل الثالث 
تاني يوم الصبح بدري التلفون رن .. ردت مريم بروح فاقدة للحياة
مريم الو 
فكرتي وألا لسه أظن انا سايبك تفكري من امبارح بليل و دي حاجة ضد طبيعتي 
مريم باستغراب و غيظ هو أنا لحقت اخد نفسي حتى دا انا يدوب دخلت نمت مصحتش غير على صوت التلفون 
أدهم مش مهم المهم قرارك النهائي اي هتوافقي على الجواز بما يرضي الله وألا اسجنك و اشرد اختك و مش هخليكي نافعة لحاجة برضوا بما يرضي الله 
مريم بدموع طيب ممكن حضرتك تستني لآخر النهاردة و هبلغك بقراري الاخير
ادهم بنفاذ صبر تمام و دا كرم مني علفكرة اني هسيبك لحد آخر اليوم و قفل الخط من غير ما يسمع منها كلمه زيادة
مريم هو مش بس مغرور و متكبر لا دا قليل الزوق كمان روح يا شيخ الهي ربنا يسد نفسك ما تلاقي حاجة تفتحها 
ندي واقفة عندك كدا لي يا مريم و بتكلمي نفسك لي ! 
مريم مفيش حاجة يا ندي روحي انتي ذاكري يا حبيبتي على ما أحضر الفطار و بعدين هنزل أشوف المحل اللي على أول الحارة كان محتاج واحدة تقف فيه بدل اللف بالورد طول اليوم و مش مكفي حاجة 
ندي بحزن على حالهم ماشي يا مريم خدي بالك من نفسك
اذكروا الله 
بعد ما قفل في وشها ابتسم بسعادة و قال دلوقتي اقدر ابدا يومي .. و كمل بشرود و لسه اللي جاي يا عمار يا شرنوبي مش انا اللي انجبر على حاجه و هنشوف في الآخر مين اللي هيكسب.. انت بديتها حرب و انا قبلت يا .. يا جدي .. بص في ساعته و قال يدوب الحق اجهز و انزل الشغل .. اتعصب لما افتكر قضية امبارح و قال بغل بنات مشافتش ريحت الرباية .. . مبكرهش في حياتي قد البات دي يلا يستاهلوا اللي هيجرالهم منهم الارف هو الواحد كره صنف الحريم من شوية
اذكروا الله 
يا حلو صبح يا حلو طل يا حلو صبح نهارنا فل الله عليك يا طروق و على جمال امك ياض .. المزز هتترمي تحت رجلك بالنيولوك الجديد.. ايوه طبعا دا انا صارف و مكلف.. عشرة جنيه عند الحلاق كتير برضوا.. دخل اوضه اللبس و وقف قدام الهدوم محتار ايوه يعني البس اي انا دلوقتي بدله وإلا تشيرت و بنطلون لا لا هلبس القميس الزيتي دا بيبقي خرافه عليا البنطلون الأبيض دا بيليق على كله هلبسه برضوا .. مالك يا طارق قلبت على فاشوناليست كدا لي مش لو كنت متجوز زي الناس المتجوزين كان زمان حد عبرك و اختارلك لبسك .. يلا مش مهم أصلا الستات كلها نكدا
أذكروا الله 
دخلت البيت بعد ما اتفقت مع صاحب المحل انها تنزل معاه الشغل من أول الاسبوع.. قعدت تاخد نفسها من السلم بصت للبيت حوليها و اتنهدت بحزن و قال يا رب انا راضية بكل حاجة بدأت تروق في البيت و هو الحقيقة مكنش بيت دي اوضة على السطوح صالة و مطبخ و حمام و اوضة نوم .. بعد ما خلصت ترويق قعدت افتكرت الحوار اللي دار بينها هي و أدهم
فلاش باك
أدهم تمام بصي انا مستعد اخرجك من هنا بس بشرط واحد 
مريم بصيتله باستغراب و قالت شرط اي دا ! 
بصلها بخبث و قال تتجوزيني لمدة ست شهور 
مريم پصدمة نعم اتجوزك! بس انا مبفكرش اتجوز دلوقتي و كمان ندي لا مش هينفع شوف حد غيري 
أدهم ما تظبطي يا بت هو أنا بعزم عليكي تقوليلي لا مش هينفع انا بقولك اللي هيحصل و بعدين انتي
تطولي اصلا إن اسمك يبقي جمب اسم أدهم الشرنوبي 
مريم بغيظ اشمعني انا يعني اللي عاوز تتجوزها ما تشوفلك واحدة تانية انا مش عاوزة اتجوز انا 
مريم من جوها و انت خليت فيها رأي ما انت بتصدر و بتنهي الهي تتشك في كرشك.. لا كرش اي اللهي تتشك في عضلات السكسباكس دي و اديته رقم الفون اللي موجود في البيت و سابته و مشيت و هي بتدعي عليه 
بااك 
يا رب هونها علينا يا كريم .. بصت لسبت الورد و ابتسمت مسكته و نزلت تبيع اللي فيه 
ماشية بتدندن بصوتها 
لما يهل الورد البلدي كل الورد ېخاف
بالعربي اللي مشافش العربي يبقى لا عاش ولا شاف
إبن بلادي يا مالك قلبي يا محلي الأيام
وشهامتك تتكلم عنك مش محتاجة كلام
فجأة لقت اللي بيهمس في ودنها و بيقول صوتك دا تحتفظي بيه ليا لوحدي يا وردتي عشان مقلبهاش دمار على اللي هيسمعه .. أتخنقت لما سمعت صوته بتبص وراها لقيته واقف ساند على باب عربيته و أول ما شافها بتبص عليه ركب و شورلها و مشي 
مريم دا هو اي أصله دا !
أذكروا الله 
كان ماشي بعربيته فجأة لقاها ماشية و شايلة الورد و بتحرك شفايفها من خبرته كظابط أنه بيقرا الشفايف عرف انها بتغني فاتغاظ و بعدين ابتسم بخبث و نزل جري ليها و همس في وډمها و بسرعة اتعود عليها