ورده الادهم

انت عارف إني مليش غيركم بعد ولادي ربنا يرحمهم الحاډثة اللي حصلت ليهم قطمت ظهري ولادي الاتنين يروحوا في ساعة واحدة متبقاش ليا غيرك انت و أدهم بس هو اتمرد و سابنا و مشي 
يونس معذرة يا جدي بس أدهم عنده حق انت كنت عاوز تلبسه في يارا يا جدي و بعدين هي الهانم تغلط و هو يشيل غلطها كدا ظولم لادهم هو من حقه يحب و يتحب من حقه أنه يختار شريكة حياته 
عمران بحزن انت عارف عمتك كل اللي همها الفلوس و بس عاوزه ادهم ليارا عشان خاطر الفلوس كنت بتمني ادهم يتجوزها عشان يجيبها الأرض و يربيها من أول وجديد بدل دايره على حل شعرها و مش لقيا اللي يحاسبها .. البت من بجحتها اجي اكلمها تقولي بابي و مامي عايشين و هما اللي ليهم الحق يتدخلوا في حياتي .. انا شلت ايدي منها خالص يكش تولع و تريحنا 
يونس اهدي يا جدي مش مستاهله تعلي ضغطك عشانها المهم أدهم هنرجعه القصر ازاي ! 
عمران بخبث اسمع يا سيدي انت هتتصل بيه و تقوله جدك تعبان و عاوزك ترجع القصر تاني 
يونس بسخرية و هو أدهم هتخيل عليه الحركات دي .. دا لازم حاجات كتير أوي بس سيبها عليا انا هتصرف
عمران خلينا وراك المره دي مش هنخسر حاجة 
اذكروا الله 
ادهم قاعد في البيت فجأة فونه رن بص للرقم بانتصار و رد قال اتاخرتي لي كنت مستني اتصالك
مريم مرافقة اتجوزك بس بشرط 
ادهم بتكبر مسموش شرط اسمه طلب قولي سامعك
مريم اختي مش هتبعد عني ابدا مكان ما اروح هتكون هيا قبلي فيه 
أدهم اممم كنت هعمل كدا من غير ما تقولي على فكره.. انا عارف إن ملكيش حد فأنا هجيب المأذون و الشهود و هاجي بكره تخلص كل حاجة ماشي يا مريم
مريم بتنهيده حزن ماشي يا حضرت الظابط
أدهم أدهم اسمي أدهم و اتعودي على الاسم دا كويس 
مريم تمام يا أدهم بشا في حاجة تانية وألا أقفل عشان بنام بدري 
أدهم لا مفيش حاجه و ابقي عرفي اختك كل حاجة عشان مش تتفاجئ 
مريم بلوية بوز كنت هعرفها على كل حاجة و مستنش يقول كلمه زيادة و قفلت الخط في وشه 
أدهم أه يا بنت ال بتقفلي في وشي دا انا هربيكي من أول و جديد بس صبرك عليا كلها سواد الليل
اذكروا الله 
مريم قفلت الخط و نفخت بضيق و بصت على الاوضة اللي اختها بتذاكر فيها .. خبطت و دخلت 
ندى اي يا مريوم عاوزه تنامي ثواني هلم حاجتي و اطلع بره 
مريم لا يا ندى انا عوزاكي في حاجة اهم من دا كله .. اقعدي و اسمعيني 
ندى باستغراب نعم يا مريم هو في حاجة وألا أي ! 
مريم بتنهيدة و قالت أيوة يا ندى في .. انت هتجوز بكره 
ندى بدهشة نعم هتتجوزي بكره طب بالسرعة دي طب و انا هروح فين هتسبيني لوحدي.. بس انا مش هكون أنانية انتي عانيتي كتير و شلتي مسؤوليتي شوفي سعاتك اهم 
مريم اهدي يا ندى و اسمعيني انا مش هسيبك لوحدك انا طلبت منه انك هتعيشي معانا و هو وافق 
ندى بحزن هعيش معاكم ازاي بس يا مريم مينفعش طبعا .. 
مريم ملكيش دعوه انتي أنا عمري ما أفكر اتخلي عنك يا ندى و انتي عارفه دا كويس .. و انا عمري ما اشتكيت من اي وضع أو مسؤولية اتحطينا فيها 
ندى بتنهيدة اللي انتي عاوزه يا مريم بس قوليلي إزاي جواز بالسرعة دي دا مفيش حتى خطوبه
مريم بكذب دا كان طلبي يا ندى انتي عارفه أننا بنات لوحدينا و انا عمري ما اقبل كلمة تتقال في عرضنا كدا أحسن 
ندى طب هو شغال اي اسمه اي و شكله عاوزه اعرف كل حاجة كل حاجة
مريم بضحك من فصول أختها إسمه أدهم و شغال ظابط و يا ستي هتشوفية بكره 
ندى باستغراب ظابط بس شافك فين يا مريم
مريم شافني و انا ببيع مناديل و قبل ما تكملي أسئلتك معرفش ليه طلب يتجوزني انا مع اني رفضت بس هو أصر أنه يتجوزني 
ندى بغرور مزيف ليه الشرف طبعا هو يطول يتجوز زيك يا مريوم يا ام عيون عسلي يا جميل انت 
مريم بضحك طب نامي بقي عندنا بكره يوم طويل أوي 
ندى هو أنا ممكن اعزم رنا صحبتي هو و مامتها يجو يحضروا كتب الكتاب
مريم طبعا يا ندى انتي بتستاذني انتي تعملي اللي انتي عاوزه 
ندى كلمت رنا و عزمتها هو و مامتها عشان يقفوا معاهم بكره و نامت جمب مريم و دخلت في حضنها و هي بتقول خديني يفي أنام في حضنك عشان مش عارفه هعرف انام فيه تاني وإلا لا 
اذكروا الله 
تاني يوم مريم صحيت الفجر صلت و قعدت تدعي إن ربنا يسترها معاها في اللي داخله عليه .. و قررت في نفسها انها مش هتعصي أدهم و هطيعة دايما لأن حتي لو هي مش بتحبه فهو جوزها ولازم عليها طاحتة.. الساعة عشرة وصلت رنا و مامتها 
نجلاء بابتسامة ود ازايك يا حبيبتي ألف ألف ألف مبروك و راحت مزغرطة 
مريم الله يبارك في حضرتك انا مش عارفة اشكرك ازاي انك جيتي حضرتي و وقفتي معايا النهاردة
نجلاء أخص عليكي دا انتي زي بنتي بالظبط و ندي كمان والله بحبها لله في لله 
ندى الله يخليكي للشعب يا نوجا يا قمر انتي و دخلوا قعدوا جوه ..
نجلاء كانت حايبة معاها فساتنين للبنات و قالت يلا يا مريم عشان تجهزي يا حبيبتي 
مريم حاضر هقوم البس و اجي 
نجلاء لا استني خدي الفستان دا البسيه دا هدية مني ليكي و دا ليكي يا ندى 
مريم بحرج بس دا كتير اوي يا طنط آسفة مش هقدر اقبله 
نجلاء انتي عاوزه تزعليني منك يا مريم خدي البسي الفستان انتي مش اقل من أي عروسة و بعدين اعتبريه هدية جوازك 
مريم أخدت الفستان و شكرت نجلاء و دخلت تلبسه
اذكرو الله 
أدهم واقف قدام المرايه بيظبط نفسه و بعد ما خلص مسك الفون و اتصل على طارق 
أدهم أيوة يا طارق عشر دقائق و تكون عندي عشان هتروح معايا مشوار و اه هات البطاقة بتاعتك معاك
طارق لي انت رايح فين يلا انا مش مطمنلك
أدهم بخبث هتجوز
طارق .....
يتبع
الفصل الخامس
أدهم واقف قدام المرايه بيظبط نفسه و بعد ما خلص مسك الفون و اتصل على طارق 
أدهم أيوة يا طارق عشر دقائق و تكون عندي عشان هتروح معايا مشوار و اه هات البطاقة بتاعتك معاك
طارق لي انت رايح فين يلا انا مش مطمنلك
أدهم بخبث هتجوز
طارق نعم يا حليتها هتعمل اي سمعني تاني كدا
أدهم ببرود اتلم يا حيوان و زي ما سمعت هتجوز
طارق بسخرية و مين بقي صاحبة الصون و العفه اللي جابتك على ملي وشك يا جحش
أدهم بتحذير تتكلم عنها كويس يا طارق احسنلك و بعدين انت عارفيها و اما نروح هناك هتعرفها اكتر اخلص و كلم الحيوان التالت يجي يشهد على العقد
طارق ولا انت بتجيب اخرك معايا هيجي يوم و هرنك فيه علقة تجيب اجلك .. بص في الفون و قال كويس أنه قفل بدل ما كنت انا اللي أخدت العلقة.. اتصل ب فارس و بلغة أنه يجي على العنوان اللي هيبعتهوله
طارق ايوه يا أبو الفوارس كيفك يا راجل و كيف احوالك
فارس بملل اهلا يا طارق انا كويس الحمد لله انت أخبارك اي 
طارق مهو طول ما ابن عمك ورايا مش هكون بخير المهم هات بطاقتك و تعال على العنوان اللي هبعتهولك عشان ابن عمك هيعمل اكبر مصېبة في حياته
فارس بخضة نعم ! انت بتقول اي هيعمل اي 
طارق بلا مبالاة لا دي حاجة بسيطة هيتجوز بس قالها و قفل الخط
فارس اذا كان كدا ماشي ! لحظة و قال بصوت عالي انت بتقول اي هو مين دا اللي هيتجوز بص في الفون لقي طارق قفل الخط شتمه في سره و قال اه يا طارق الكلب انت كمان دا لو عمران بشا عرف الخبر دا مش بعيد يقومها حرب علينا يا ادهم يلا لعله خير إن شاء الله.
اذكروا الله
رنا مشغلة الصب و بتغني كتبوا كتابك يا نقاوة عيني و قامت ترقص و هي بتكمل
احلي كلام بينك يا حلوة و بيني
جيه اليوم اللي تكوني فيه حلالي
ما انا اصلي طيب و أمي دعيالي
جت نجلاء من وراها و قالت بصوت عالي داعية عليه في ساعة استجابة اللي هيتجوزك اي اللي بتعملية دا يا زفته
رنا بتذمرجرا أي يا نوجا .. في أي يختي مالك كدا قارشة ملحتي.. برقص و بهيص هو احنا مش في فرح يا عدوه الفرحة 
نجلاء پصدمة مصتنعة عدوه الفرحة و جالك قلب تقوليها!
و بعدين هي دي اغاني يترقص عليها يا شكاره نكد دي اغنية يتعيط عليها و جابت الفلاشه و غمزت ليها و قالت يلا شغلي دي و خلينا نشهيص والله ما حد واخد منها حاجه 
رنا بفرحة اشطا عليكي يا نوجا يا عسل انتي بس انا عندي مشكلة دلوقتي 
نجلاء باهتمام مشكلة اي كفالله الشړ ربنا ما يجيب مشاكل
رنا بابتسامة بلهاء انا جعانة .. لحظة و كان الشبشب في وشها و قعها على الأرض
رنا الله يخربيت الظووووولم .. انتي ام انتي عوضي عليك يا رب .. يدوب خلصت كلامها و كانت الفردة التانية في وشها
رنا قامت لقت نجلاء بتشغل الأغاني و بدأت تندمج معاها
نجلاء هو انت جيت منين حبيتك بالتلاتة سهرانة بتاع يومين....
رنا أول ما الأغاني بدأت نسيت كل حاجة و قامت ترقص مع امها 

اذكروا الله
مريم في الاوضة قاعدة سرحانة في حياتها اللي جاية فاقت على صوت ندي بتضحك جامد 
مريم بابتسامة ربنا يحلي كل ايامك يا حبيبتي مالك مسخسخة ضحك كدا 
ندي رنا و طنط نجلاء مضينها بره رقص بعد ما اتخامقوا و رنا انصربت بالشبشب
مريم بضحك لا رنا دي فظيعة و تحسيها ضاربة الدنيا بالصرمة بس بت جدعه و أصيلة
ندي بضحك و انتي بتتكلمي عليها كدا افتكرت فيلم الناظر و هو بيقول و قادته و انا زي بابا بالظيط في الشدة شديد و في القوة قوي 
مريم بضحك يخربيتك فصلتيني المهم خلصتي لبس نخرج ليهم ميصحش نسيبهم كل دا لوحدهم
ندي أيوة خلصت 
مريم طب يلا بينا و لسه هتخرج لقت اللي مسكت اديها بصت وراها شافت ندي و واقفة مدمعة 
مريم بخضه مالك يا ندي فيكي اي يا حبيبتي