ورده الادهم

من التدريبات رجع عن عربيته تاني ... مشي بالعربية و جواه فرحة أنه خلاها تبطل غني من وجه نظره صوتها ملكه لوحده
أذكروا الله 
طارق داخل القسم و لقي عطية قاعد زعلان فراح له و بكل روح مرحة قال مالك يا عطعط قاعد شايل طاجن ستك لي يا جدع 
عطية ولا حاجة يا طارق بشا دول هما بس شوية مشاكل متشغلش بالك بيا 
طارق قعد جمبه و قال شوية مشاكل اه يخويا و من سمعك دا انا المشاكل نازلة ترف على دماغ الواحد و اكتر مشكلة اللي متلقح جوه دا مش عارف عاوز مني اي هيجيب اجلي في يوم من الأيام بس يلا مش مشكلة مستحملة يمكن ناخد ثواب انت مالك بقي يا عطعط 
عطية بزعل مراتي في المستشفى و محتاجة عملية طلب سلفه بس موافقوش عليها و اديها بين الحياة و المۏت أهي 
طارق بزعل وقف وقال متزعلش يا عطعط السلفه انا همشيهالك اهم حاجة نشوف ضحكتك دي يا راجل و الف سلامة على المدام 
عطية بفرح بجد يا طارق بشا .. الهي ربنا يكرمك ما يحرمك .. ربنا يجبر بخاطرك زي ما دايما جابر بخاطر الغلابه .. 
طارق خلاص يا عطية انا داخل ل دراكولا 
طارق دخل و من جواه زعلان على عطية و قرر أنه يمشيله في السلفة و لو اترفضت يدفع هو حق العملية دخل المره دي من غير كلام 
أدهم مالك يا حزين داخل كدا المره دي من غير ما تصدعنا 
طارق مفيش يا ادهم هو بس حصلت حاجة و انا داخل عكرت مزاجي 
ادهم بجدية في أي يا طارق اي اللي حصل 
طارق حكالة اللي عرفه من عطيه و عملية مراته و ادهم زعل جدا و قرر إن هو يدخل هو كمان 
أدهم قوم معايا يا طارق 
طارق علي فين يا بشا 
ادهم على مكتب سيادة اللواء 
طارق بفرح و فهم أنه هيتكلم معاه دلوقتي و مش هياجل الموضوع برنس عليا الطلاق برنس
أذكروا الله 
في قصر كبير طلع راجل كبير و قال هو ادهم برضوا مش ناوي يرجع القصر طيب يا ادهم مبقاش انا عمران الشرنوبي اللي لما جبتك قريب اوي يا ادهم ماشي يا ابن سليم 
بابي انت لي مصمم إن أدهم يرجع القصر تاني ما تسيبه في حياته هو مرتاح و إحنا مرتاحين من غيره 
عمران پغضب جري أي يا نادية انتي ناسية مين ادهم وألا اي لا فوقي ادهم اهم من الكل هنا هو وريثي انتوا فاهمين 
نادية پحقد مهو يا بابي هو اللي مشي من ساعة ما قولتله يتجوز يارا بنتي و هو رفض و قالك لو آخر بنت مستحيل إسمها يبقي جمب اسمي 
عمران بتريقة و هو عمل كدا من الباب للطاقة يا نادية هانم ما كله من عمايل بنتك و الصراحة الغلط مش عليها الغلط عليكي و على ابوها اللي الفلوس شغلتكم و نسيتوا تربوها إن كان عليا كنت عاوز أدهم يتجزها عشان يعدلها و يربيها من أول وجديد بس هو اللي رفض عارفة قال أي والا بلاش لحسن تزعلي .. 
نادية لوت بوزها و مشيت و عمران افتكر لما كان بيفاتح ادهم في موضوع جوازه من يارا 
فلاش باك
عمران اقعد يا ادهم عاوزك في موضوع 
ادهم قعد و قال خير يا جدي حضرتك عاوزني في أي 
عمران مش آن الأوان بقي أننا نفرح بيك و نشيل عيالك
ادهم اممم طلما قولت كدا يبقي عندك عروسة اتفضل و انا سامعك
عمران عاوزك تتجوز يارا بنت عمتك نادية 
وقف ادهم مره واحده و قال نعمم ياارا مين دي اللي اتجوزها ! آسف الموضوع مرفوض
عمران لي بس يا أدهم دي من العيلة و بعدين مش عاوزين نجيب حد من بره احنا عارفين يارا كويس و .. 
أدهم قطع كلامه و قال مهو عشان عارفين يارا كويس بقولك لا مش دي اللي اخليها تشيل اسمي انا مش مركب قرون حضرتك .. انا ساعة ما هفكر اتجوز هتجوز واحد مفيش منها واحده اكون متأكد انها هتحافظ على اسمي مش تشوه صورته قدام الناس 
عمران پغضب انت بتتحداني يا ادهم طب اي رايك هتتجوز يارا ڠصب .. انت عارف إن كل اللي حصل كان طيش منها مش اكتر 
أدهم بعصبية طيش منها ااااه .. بص يا جدي جواز من يارا مش هيحصل و اظن إن حضرتك عارف السبب كويس 
عمران يبقي هحرمك من الميراث يا ادهم 
ادهم بصله بكبرياء و قال تمام اللي حضرتك تشوفه .. طلع اوضته و لم هدومه و مشي من القصر و قبل ما يمشي قالهم مش ادهم الشرنوبي اللي ينجبر على حاجة صحيح أبويا و امي ماتوا بس سايبين وراهم راجل يعرف يختار كويس و يفرق بين الصح و الغلط و أظن اللي بتطلبه مني دا أكبر غلط يا عمران بشا وإلا انت ليك رأي تاني ...
بااك
عمران ربنا يهديك يا أدهم و ترجع تاني و قال بصوت عالي يا سمااح انتي يا سماح
سماح نعم يا سي عمران 
عمران بخبث ابعتيلي يونس بسرعة
سماح حاضر 
أذكروا الله 
أدهم بعد اذنك يا سيادة الواء 
نعم يا أدهم امورني .. انا اصلا كنت لسه هبعتلك عشان في أخبار جديده عشانك انت و طارق 
أدهم كنت عاوز استاذن تمشي السلفه بتاعت الشاويش عطية
طارق اه بالله عليك يا شيخ نساعده
أدهم هو غلبان و شايف شغله كويس و عنده ظروف من واجبنا أننا نساعده 
طارق اه بالله عليك يا شيخ نساعده
اللواء مالك يا طارق انت علقت وألا اي ! و بصلهم و قال تمام هنساعدة و همشيله السلفية
طارق روح يا شيخ الهي ربنا يكرمك
اللواء انت هتشحت يا طارق إلا اي اقعد عشان عاوزكم في موضوع مصيري هينقلقكم تقله تانية 
قعدوا يسمعوا اللواء و الدهشة و الحماس و الفرحة على وشهم و بعد ما اللواء خلص كلامه ادهم قال هنبدا من امتي يا فندم
اللواء من الأسبوع الجاي و تقدروا تاخدوا باقي الأسبوع دا إجازة تجهزوا نفسكم 

أذكروا الله 
ندى خلاص كدا يا رنا انا فهمت الحمد لله هقوم امشي انا زمان مريم رجعت و مستنياني
رنا تمام يا حبيبتي بس خدي دول كتب كنت جيباها من بنت خالتي و مش بعمل بيها حاجة ذاكري فيها 
ندي بخجل متأكدة انك مش عوزاها يا رنا 
رنا بنفي لا والله مش محتاجاها خديها 
ندى تمام همشي انا بقي .. مشيت و قبل ما تمشي سلمك على نجلاء و شكرتها على الكتب 
نجلاء ربنا يسترها معاكي يا ندي يا بنت ام ندي صعبانه عليا اوي و علي اللي حصلها هي و اختها ربنا يقويهم
رنا يا رب يا حبيبتي و قالت باهتمام كبير قوليلي 
نجلاء نعم يا حبيبتي
رنا انتي عاملة اكل اي بس عشان جعانه 
نجلاء بغيظ انتي مش ليه واكله يا بت انتي 
رنا بتذمر جعت تاني الله المذاكرة بتجوع ايش عرفك انتي يلا يا نوجا هاتيلي الأكل بس 
نجلاء بقي انا اللي هقوم اجبلك يا شحطة الاكل قومي أكلي نفسك يا معفنه و مسكت شبشبها و حدفتها بيه 
رنا تفادت الشبشب و بصتلها بانتصار و قالت مجاتش فيا ملحقتش تحمل الكلمة و كانت الفردة التانية في وشها 
رنا والله العظيم كدا ظووولم

أذكروا الله 
ادهم قاعد في البيت فجأة فونه رن بص للرقم بانتصار و رد قال اتاخرتي لي كنت مستني اتصالك
مريم موافقة اتجوزك بس بشرط 
ادهم ....
يتبع...
الفصل الرابع 
يارا ها يا مامي جدو قالك اي في حوار ادهم 
نادية بغيظ سمعني كلمتين يختي كله من تحت راسك مش عارفه تصبري على وسا ختك دي لحد ما تتجوزيه لازم يكتشفها قبل الجواز 
يارا بضيق اهو اللي حصل بقي و بعدين انتي بتلوميني على اي قولتلك كنت شاربة و مش دريانه بنفسي 
نادية طيب يختي قومي شوفي هتنيلي اي و سبيني افكر يظهر إن جدك كبر و خرف عاوز كل حاجة لادهم و بس 
يارا وات What كل الورث لادهم لوحده طب و احنا مش هناخد حاجة و بعدين هو أنا مش هتجوز ادهم وألا اي انا نفسي فيه أوي يا مامي 
نادية ما قولتلك سبيني أفكر و غوري من وشي 
يارا اوكي اوكي انا رايحة النادي هقعد شوية مع اصحابي يلا سي يو

اذكروا الله 
ندي وصلت البيت و سلمت على مريم و قالتلها على الكتب اللي رنا ادتيتها ليها 
مريم ربنا يجعله في ميزان حسناتها هي و بنت خالتها شوفي لو ناقصك حاجة تاني قوليلي عليها و انا هكملهالك
ندى بشكر لا مش ناقص اي حاجه تانيه 
مريم بود طيب يا حبيبي خشي ذاكري انتي 
ندى حاضر يا مريوم 
ندى دخلت تذاكر و مريم قعدت تفكر شوية و بعدين اخدت قرارها اللي هتبلغة لادهم 
اذكروا الله 
أدهم و طارق بعد ما خرجوا من
عند اللواء كانت الفرحة مش سيعاهم 
طارق بفرح انت سمعت اللي انا سمعته يا ادهم قالك هتنتقل المخابرات العامة
أدهم بفرحة لا تقل عن فرحة طارق سمعت يا طروق على الرغم من أنها حاجة كبيرة و جميلة إلا إن مسؤوليتها كبيرة يا طروق عاوزين تطلع قدها و مش عاوزين تقصير خالص 
طارق إن شاء الله يا صاحبي.. قالك أول الأسبوع هندخل معسكر تدريب انا هطير أجهز ليه من دلوقتي عاوز افرفش شوية قبل ما يعتقلونا سلاموز يا برنس 
أدهم بضحك غور يخويا مع السلامة و القلب دعيلك بس اسمع هعوزك بكره في حوار كدا 
طارق حوار اي ! 
أدهم لبس نظارتة و مشي و هو بيقول بكره هتعرف يا طروق 
طارق برنس عليا الطلاق برنس
اذكروا الله 
يونس خبط و دخل و قفل الباب وراه و قال حضرتك طلبتني يا جدي 
عمران أيوة يا يونس ادخل و اقعد عشان عاوزك في موضوع مهم
يونس قعد قدامة على كرسي المكتب و قال خير يا جدي 
عمران بخبث عاوز أدهم ينزل معاك الشركة 
يونس باستغراب و هو أدهم هيوافق بحاجة زي دي .. حضرتك عارف أنه بيحب شغله اكتر من عنيه و مستحيل يتخلي عنه بسهولة 
عمران انا عارف كدا كويس هو هينزل معاك بس مش هيسيب شغلة .. ابن عمك دماغة الماظ لو مسك الشركات في فترة قصيرة جدا هيبقي الغول 
يونس ايوه بس مين هيقنع ادهم بدا 
عمران بخبث اسمع يا بشا انت هتقوله انك محتاجة معاك في الشركة هو طبعا هيعترض و انا هدخل و أقول إنه ينزل الوقت الفاضي فيه مين عارف يمكن يحب الشغل هناك و يفكه من الشرطة دي 
يونس تمام يا جدي 
عمران بحزن