أسير العشق بارت١٤بقلم نور ناصر الهادي

وقالت بهدوء 
حتى لو قلتلك إني عايزة أشتغل
بعد إيده بهدوء عن وشه وقال بنبرة حاسمة ولطيفة 
الشغل إحنا اتكلمنا فيه قبل كده وقلتلك كل اللي نفسك فيه أنا تحت أمرك فيه.
ضحكت وقالت 
خلاص كنت بس بجرب تأثيري عليك.
تأثيرك كبير بس من غير تعب. أنا هنا علشانك يا أسير وعلى سيرة التأثير.
ساب الكيكة على جنب وبص ليها وقال بجدية دافئة 
نركن الكيكة والكلام ده ونتكلم في الأهم.
إيه هو الأهم
الخلف
قطعت كلامه بلطافة وحطت إيدها على شفايفه تمنعه يكمل.
آدم حس بالضعف قدام لمستها لكنه اتشد بصمت وهو مش قادر يرفضها.
قالت بهدوء فيه دلال 
النهاردة إنت معاقب.
وسابته واقف وخرجت من المطبخ رايحة أوضتهم تاركة وراه ابتسامة هادئة ونبض مش هادي.
قال وهو بيرفع حاجبه 
معاقب! يعني أكتر من كده في حاجة!
أسير ابتسمت بخبث خفيف وقالت 
أنا قولتلك إن المرة دي مش هعديها ولازم تاخد عقاپ مناسب.
سكت لحظة وقال بنبرة مش فاهم 
إيه نوع العقاپ ده
حاجة بسيطة تمرين رياضي متقلقش.
تمرين!
أيوه انزل ١٠٠ ضغطة ولا إيه رأيك!
مسكت دراعه بلطف وقالت بدلع 
وريني قوة عضلتك علشان لما تشيلني بعدين ما تقولش ظهرك وجعك.
ضحك وقال بثقة 
أنا ممكن أشيلك عادي جدا.
قالت وهي بتخطط تلخبطه أكتر 
أهو لما تعمل الضغط نقرر طب بلاش ١٠٠ نخليهم
سكتت فجأة لما شافت آدم بيقلع قميصه بحركة سريعة ولقيته واقف قدامها .
تنهدت من غير ما تحس وقعدت تتابعه وهو بينزل فعلا علشان يبدأ العد.
أسير قعدت على طرف السرير وبصت له بإعجاب ظاهر وقالت 
خمسة برافو!
ابتسمت وهي بتتابعه مش بس علشان التمرين كانت بتشوف اللي عمره ما بان من تحت قميصه عضلات مشدودة وتناسق جسمه اللي بيقول إنه بيتعب عليه.
قالت وهي بتحاول تتماسك 
تلاتين
قربت منه ونزلت عنده ولما شافت نقطة عرق على جبينه مدت إيدها ومسحتها وابتسمت له من قلبها.
قالت وهي بتحاول تخفي ضحكتها 
محتاج مساعدة
آدم ما ردش كأنه بيكمل بعند وده استفزها أكتر رجعت بظهرها على السرير وزحفت لورا لحد ما وشها بقى تحت وشه وبصت له بعينيها مباشرة.
رفعت إيدها ولمست وشه ودقات قلبه بدأت تزيد.
أسير قالت وهي بتحاول تظبط الموقف 
يلا كمل وصلنا للعدة ٥٧.
آدم نزل ضغطة وقرب منها وكل ما ينزل يبص لها ويبتسم وهي تضحك ومش قادرة تتحكم في نفسها على الرغم من تعرقه بس كان مكمل بحماس كأن لمستها هي اللي بتديله القوة يكمل.
ولما وصل للعدة ١٠٠ قرب منها ورفع وشها وقبل جبينها بلطف.
اتسعت عينيها من المفاجأة وهو لسه شايف ده في نظرتها وبص لها وقال بنبرة فيها خفة ظل 
واضح إننا هنحتاج نكمل جولة تانية ومش هينفع تهربي المرة دي.
وقبل ما ترد شالها مرة واحدة وخدها بعالمه اللي عمره ما بيخليها تحس فيه بغير الأمان.
كان عاصم لابس بدله ومجهز نفسه هو وعبير الى لبست جلبيه سوداء شيك جابها عاصم ليها من الخليج
عبير هى طويله لى كده
عاصم انتى الى قصيره يماما
متقولش كده ف وشي الحمدلله انكم طلعتم لابوكم
ابتسمت عليها رن ع ادم قال اتاخر ليه
فوق كان آدم واقف قدام المراية بيقفل أزرار قميصه بهدوء وتركيز.
جت أسير من وراه وبإيد رقيقة لبسته الجاكيت وقالت بابتسامة بسيطة 
كويتهولك بمكوة البخار هي تدي نعومة أحسن.
لمست القماش بإيدها وهي بتعدل الجاكيت على جسمه وتزبط شكله الرجولي الواضح
نظرت له بتقييم صامت فيه