قلب ليس من حقه الحب
...
سمية بسرعة لا لا .خليها مفاجأة احسن ...لما اصحى ..
مها اللى انتى عيزاه ....يلا تعالى ...
صعدت سمية غرفتها الجديدة ...وجدتها لا تختلف كثيرا عن سابقتها .....دون انها اكثرر فخامة تفتقر نوعا ما الى البساطة ...وجدت صورتها هىى وآسر يوم كتب كتابهما ...انزلت الصور ..واسقطتها ارضا ...اخذت تحطمها ...باكية ....سمعت مها صوت الزجاج .....دخلت عليها ...وجدتها تجس ارضا باكية بجوار الصورة المهشمة ....صدمت ...اقبلت عليها ..ټحتضنها ...رفض الدمع الاستقرار ففقد اتزانه على وجنتيها ...
مها يا حبيبتى اهدى ..اهدى ....
سمية باڼهيار ليه ....ليه ....ليه يا مااما....ليه انا يا ماما...ليه ...
مها اعوذ بالله من الشيطان الرجيم ...اذكرى الله يا سمسمة مش كده...اهدى ..استغفرى الله ...اهدى كده غلط عليكى مينفعش كده ...كل حاجة هتتصلح ...واللى انتى عيزاه ...كله هيحصل ان شاء الله
سمية خلصت يا ماما ...خلصت خلاص .....مش عايزة حاجة ...معنتش عايزة حاجة من الدنيا يا ماما....خلاص ...
مها طيب قومى يلا اغسلى وشك ...واتوضى وصللى كده ....ان فى صلاتك سكن لهم ....يلا يا بنتى يلا ...هنزل احضرلك اقمة تاكليها
سمية لا يا ماما ....انا عايزة انام..
نهضت سمية بمساعدة والدتها ...اغتسلت وابدلت ثيابها ....وصلت ....ثم نامت بين احضان امها ...ترقيها وتتلو القرآن والاذكار ...حتى هدات سمية واستسلمت للنوم ....نهضت مها ..ثم توجهت لغرفتها...واخذت تبكى على حال ابنتها ...اتاها اتصال من رفيقتها أميرة.......
مها السلام عليكم
آميرة وعليكم السلام...مشغولة ولا ايه
مها ليه
أميرة بقالى ساعة عمالة اتصل بيكى ...المهم ايه اخبارك وحشانى جدا والله ...
مها وانتى اكتر والله يا أميرة ...ايه اخبار دكتور خليلونغم
أميرة تمام الحمد لله ....ايه رايكم تيجوا تتغدوا معانا النهاردة ....عالة طاجن الكوارع اللى بتحبيه ...
مها ربنا يخليكى يا حبيبتى ..خليها ليوم تانى ..
أميرة اخص عليكى يا مها ده انا عاملة حسابكم...متكسفينيش عشان خاطرى ...
مها بنفاذ صبر يوووه باى يا أميرة قولتلك لا ...سيبينى باللى فيا......
أميرة خلاص يا مها براحتك...مالك فيكى ايه
مها پبكاء سمية يا أميرة ....
أميرة بقلق خير مالهالا
مها سمية عندى هنا لسة جاية ....لوحدها...البت تعبانة اوى ...لو شفتيها متعرفيهاش ...عينيها دبلانة ...ووشها زى اللمونة ...وجسمها مهدود
أميرة لا حول ولا قوة الا بالله ...طيب معرفتيش مالها ..
مها لا ...بس آسر عملها حاجة كبيرة اوى ..مش راضية تتكلم ...
أميرة الطف بينا يارب...طيب اجيب خليل وآجى ...
مها بسرعة لالالا ....سمية مش عايزة حد يعرف انها جت ..زحتى مخلتنيش اتصل بابوها ..البت ضاعت منى ...
أميرة متقوليش كده يا حبيبتى ...دى فى حضنك وكلها يومين وترجع احسن من الاول ...رببنا يهدى سرها يارب يا مها ...ويرجع الامور لمجاريها بينها وبينه..
مها يارب ...بس والله لاوريه ...بنتى ميحصلش فيها كده غير من الشديد القوى ...
أميرة عارفة يا حبيبتى عارفة ....
مها يلا الحمد لله...معلش يا اميرة ...انا مضطرة اقفل ...رهف جت من المدرسة باين كده
أميرة ولا يهمك يا حبيبتى ...مع السلامة وطمنينى عليها يا مها عشان خاطرى ...
مها ان شاء الله مع السلامة
انهت مكالمتها ثم توجهت لغرفة ابنتها لتطمئن عليها ...وجدتها نائمة تحلم بكابوس وتهذى ....
سمية نائمة لالا...حرام عليك ...سيبونى ...يارب...لا ...لا ..انا مظلومة ...لااااااا
مها تحاول ايفاقتها سمية ...ايه يا حبيبتى ..مالك ...فوقى يا ماما ...ه كابوس..
سمية تصرخ لاااااا سيبونى ...سيبونى ....
مها بهلع سمية ...سمية ....قومى يا بنتى ده كابوس ...الله اكبر....
ففزعت سمية من نومها ...باعين زائغة خائڤة ....ارتمت بين احضان امها ...تبكى ....اخذت امها تملس علىشعرها وترقيها الرقية الشرعية ....حتى استكانت ....اطفأت الانوار...دخلت عليهم رهف....
رهف ايه يا حاجة اين انتى بس...ايه اللى جابك هنا مش دى اوضة سمسمة ...
مها بصوت منخفض هشششششش....اختك نايمة بس ....
رهف بهمس مين اختى ..والله لو كانت ملك ...لمدفعاها مياية كاملة ...
مها بصوت منخفض بس دى سمية ...يلا اطلعى ..
رهف متفاجئة سمسمة جت امتى ...طيب وسعى يا حاجة نسلم ..
مها بصوت منخفض يا بت اختك..تعبانة يلا ...اطلعى مالك اخوكى جه
رهف ايوة ...فى اوضته بيغير ...
مها طيب يلا ..عشان تغيروا وتتغدوا ...انا جاية وراكى ..
رهف حاضر ...
خرجت رهف من غرفة اختها .ترى اختها نائمة ين احضان امها ....ان بها شئ ما ...لقد كانت بمجرد سماعها تنهض من سريرها ...فهى ابنتها المدللة ....توجهت رهف لغرفتها ...ثم ابدلت ثيابها ...وبعثت لاخيها رسالة نصية ...تعالى عندى فى الاوضة فى مصېبة بجد ..رآها مالك ..ثم توجه لغرفة رهف ...دخل ممسكا بيده عصا الجولف ...
مالك عارفة لو كان مقلب...هقلبك...
رهف لا والله ...بس ادخل واقفل الباب..
مالك وهو يغلق الباب اهه اتقفل ..خير ...
رهف سمسمة هنا ...وفى اوضتها ...وتعمامامرضيتش تخلينى اسلم عليها وخرجتنى من الاوضة
مالك بنصف عين الكارتون لحس دماغك ...
رهف بضيق والله انت اللىدماغك اتلحست ..أفهم يا بنى ...مش مصدقنى روح اوضة سمسمة المقفولة وانت هتلاقيها نايمة جوه...
مالك طيب يمكن هى عايزة ترتاح من السفر...
رهف انا ايه اللى خلانى اتكلم معاك ...سمية تعبانة كانت نايمة فى حضڼ ماما...وماما عمالة ترقيها وټعيط ...
مالك وآسر هنا
رهف تؤ...
مالك عارفة لو كان مقلب
رهف مقاطعة اكفينا شړ الهبل يااااااااااااااارب ....المهم ..ادخل وشوفها ...عشان ادخل معاك والنبى ...
مالك طيب طيب ...تعالى.....
سمية بفزع مين .
مالك محاولا تهدئتها انا مالك ياا سمية اهدى يا حبيبتى ....مش عفريت ..
سمية بابتسامة ... مالك ...وحشتنى اوى ..
رهف يا عم وسع ...ده انا اللى قيلالك....
سمية تحتضن اختها تتعالى تعالى ..وحشتينى ..
رهف وانتى اكتر والله يا سمسمة ...كده تسيبينى لاخواتك ...استفردوا بيا ...خاااااالص ..
سمية مين اللى يقدر ده انا وريهم العين الحمرا...
رهف سمية فاكرة وعدك ليا قبل ما تسافرى ...
سمية امممم
رهف اخباره ايه
سمية على وعدى يا رهف ...
رهف بفرحة ياااس
مالك ادى اخرة مدارس اللغات ....امال فين آسر هو مجاش معاكى
سمية مالك ....متجيبش السيرة ماشى ...
مالك باستغراب ماشى ...مش هتتغدى معانا
سمية لا مش دلوقتى ...شوية وهنزل ..عايزة اكتشف البيت لسة
مالك اطمنك ان مفيش اسطبل هنا
سمية عارفة...مش كل حاجة بتفضل على حالها ...يلا عشان اغير...سيبونى بأى ...
مالك كابتن رهف يلا ..
رهف حاضر ..
البارت ال
خرج مالك واخته...تاركين سمية...ابدلت ثيابها...ثم اخذت دوائها وهبطت لاسفل وجدت شروق الخادمة الجديدة....سنها فى الثلاثينات ...حسنةالمظهر ...يبدو عليها انها خادمة لطبقة معينة من المصريين الذين يسكنون القصور....
سمية السلام عليكم ...انتى شروق ..
شروق ايوة يا دكتورة..معل والله انا اسفة جدا مكنتش اعرف حضرتك..
سمية مفيش مشكلة خالص...على فكرة ...انا اسمى سمية مش دكتورة ...انتى مش مريضة عندى ...ماشى ..
شروق بابتسامة بس مينفعش...
سمية بابتسامة لا ينفع ...جدا جدا ....المهم ..انتى باين عليكى مرتبة جدا
شروق بفخر الحمد لله ...
سمية خلاص تعالى رتبى معايا شوية حاجات فى اوضتى بس مش دلوقتى بعد الغدا ماشى
شروق حاضر ..
سمية بالمناسبة اقولك شروق ولا ابلة شروق ...يعنى على حسب ما تحبى ...انا ديموقراطية جدا
شروق لا خليها شروق بس ...
سمية امممم ماشى ...فين ماما...
شروق ف المطبخ ...مبتحبش حد يعمل الاكل غيرها ...
سمية هتقوليلى ..طيب فين المطبخ ...لانى لسة جديدة
شروق فى اخر الطرقة اللى عند السلم...هتنزلى سلمتين تحت ....
سمية هزعل منك لو كانوا تلاتة
شروق ان شاء الله ميكونش فى زعل بيننا...
سمية اكيد ....عن اذنك ..
توجهت سمية الى المطبخ ...لتجد امها تغرف الاطباق ..
سمية برددوحمام بالسمنة البلدى يا ام سمية
مها منمتيش ليه
سمية مجاليش نوم يا ماما ...
مها لازم نقعد نتكلم مع بعض يا سسمية مينفعش ...مينفعش الوضع ده ...
سمية ان شاء الله ..بابا هييجى امتى ..
مها ن نصساعة بالضبط ويكون هنا .ان شاء الله
سمية ان شاء الله ..معلش ياماما ..اعمليلى شوربة خضار ورز بسممتى على البخار....
مها باستغراب شعر ده ولا ايه ...انتى بتستهلى شوربة خضار ايه دى ...هتاكلى حمام معانا يغذيكى شوية ...دده انتى بايتى ارفع من رهف اختك ...ووشك اد اللقمة ...اسكتى خالص متجيبيش سيرة الاكل دى...
سمية بتنهيدة طيب متحمريش بتاعتى ..
مها طيب براحتك ...شروق ...شروق ..
شروق نعم يا مدام ..
مها يلا طلعى الطباق ونادى رهف تشيل معاكى
شروق حاضر ..
رتبت شروق السفرة فكانت منظمة للغاية ..وجلس الجميع ...ثم قددم أحمد ...ضړب الجرس فهمت شروق لتفتحه استوقفتها سمية ...
سمية انا اللى هفتحله ...خليكى ...
فتحت سمية لابيها الباب ...
أحمد متفاجئا سمي أيه اللى جابك
سمية امشى يعنى
أحمد بفرحة تعالى دخلى الكرسى
سمية من عينيا ...بس اخد حضنى الاول..
استقرت سمية بحضن ابيها ...
أحمد ضهرك هيوجعك من التمييلة ..يلا دخلينى...ولا هدوسك
سمية عمرى ما اتعب من حضنك يا بابا...ع العموم يلا..
ادخلت سمية والدها قام بغسل يديه ...ثم توجه الى غرفة الطعام برفقتها ..
مها الاكل برد ...
أحمد يا ستى ..نسخنه ...امال فين آسر مجاش معاكى ..
سمية لا ....
أحمد ليه ..خير
سمية ولا حاجة يا بابا ..
اشارت مها لزوجها..ليسكت ..فانتابه القلق...انتهى الجميع من طعامهم ..كانت سمية تساعد شروق فى تلم الاطباق ...انتهت ...ثم ذهبت لتجلس مع والدها ....
أحمد يعنى مبتريحيش نفسك ....انتى لسة جاية من السفر يا بنتى ...
سمية يا والدى العزيز انا مرتاحة كده
مها ها يا سمية عاملة ايه فى رسالتك هناك....
سمية الحمد لله ...
أحمد رجعتى دلوقتى ليه يا سمية
سمية ها ..
أحمد بقولك فى ايه ايهه اللى حصل ...ومتهربيش ومتسكتيش ...ردى عليا ..
سمية بتنهيدة هننفصل يا بابا ...ملناش نصيب نكمل مع بعض ...
مها بخضة ليه ايه اللى حصل دهه انتو مكملتوش حاجة ...
أحمد ومين اخد القرار ده ان شاء الله ...
سمية تزم شفتيها انا وهو....
أحمد بناءا على ايه
سمية بناءاعلى اسباب انا فى غنى عن توضيحها دلوقتى ....عن اذنك يا بابا
أحمد بعصبية اقعدى هنا ...متهربيش ...تلاقيها من حساسيتك الزايدة ...وزعلك ...لو فى اسباب مقنعة قوليها ...يا اما انا اللى حجزلك بكرة على اول طيارة لامريكا وانا عارف انه هناك منزلش ...
سميةبصوت مخټنق بابا انا مش قادرة بجد دلوقتى ....
مها اهدى يا احمد ..اهدى صحتك ...اطلعى فوق يا سمية دلوقتى ونتكلم بكرة الصباح رباح ...
صعدت سمية الى غرفتها ...ثم استسلمت للنوم ...علها تجد الهدووء بينما جلست مها تهدى زوجها
مها اعصابها ترتاح...وهتيجى تحكيلنا لوحدها ...اكيد فى مشكلة كبيرة..عشان كده نزلت انت عارف سمية مبتزعلش كده غير من حاجة كبيرة
أحمد بنتك لسة فاكرة نفسها عيلة صغيرة ....تزعل من اى كلمة تتقال ...تلاقيها اتقمصت منه ..متعرفش يعنى ايه بيت واسرة ومسؤلية...
مها لا يا احمد سمية مش كده...انت لسة هتعرفها دى بنتك ...وبعدين انت مش شايفها تعبانة ازاى ووشها الحزن مغطيه ...بدل ما تطبطب عليها ...تزعقلها كده وتقول كده ...لا ملكش حق
أحمد يا مها انا وانتى متجوزين بقالنا اد ايه ...عمرك معملتى عملتها دى ...
مها لانك عمرك ما اضطريتنى ان انا اعملها...وكنت بتحتوينى ...متنساش فرق السن اللى بينها وبين آسر يا أحمد ...وبعدين بنتنا مقفولة هو لا...عاش برة وراح هنا وهنا وواخد وضعه
