قلب ليس من حقه الحب

فى الكرسى المقابل لها ...تسائلة مترقبة ..ما سيحدث...
ميرفت تمد لها البوم الصور شوفتى الالبوم ده قبل كده
سمية تلتقطه منها لا...معتقدش ..
ميرفت طيب شوفيه...
اخذت سمية تقلب الصور ...وتشاهد مراحل حياة آسر ..كان يحمله والده ..هنا وهناك ..كانت والدته حولهما..هنا كان يحمل مى ويلعب معها ..كم كانت تبدو الاسرة سعيدة ....وصور أخرى لآسر مع محمود الصغير...كم كان ينظر له بحب ...توقفت سمية عند هذه الصورة مررت اناملها بعفوية عليها ..كانت ميرفت تراقبها ....احست انها اصابت هدفها...
ميرفت عجبتك الصور
سمية جدا ...
ميرفت شوفتى محمود كان مبسوط بالاولاد ازى ..
سمية ربنا يرحمه ..كان بيحبكم اوى يا طنط...
ميرفتبتنهيدة ربنا يرحمه...اللى عوض عليا غياب محمود عنى ...اولادى يا سمية ..مى وآسر ...كل ما بشوفهم بحس ان محمود لسة عايش معايا ...
سمية ربنا يخليهم لحضرتك يا طنط وميحرمكمش من بعض...
ميرفت آآمين ...انا عايشة حياتى ليهم هما بس ..امنية حياتى سعادتهم وراحتهم ...وخصوصا آسر ده سندى فى الدنيا ...وابنى الكبير والراجل بتاعى بعد محمود الله يرحمه...عايزة اطمن عليه يا بنتى قبل ما ېموت
سمية ربنا يخللى حضرتك ليهم 
ميرفت امنية حياتى اشوف ذريته حواليا يا بنتى ..اطمن عليه انه مش هيكون وحيد فى الدنيا ...انا ست وانتى ست ومحدش يفهمنا غيرنا ..انا هكلمك فى موضوع بس وعد اوعى يطلع برة ..فهمانى 
سمية تبلع ريقها بترقب اتفضلى يا طنط
ميرفت بصى يا بنتى انا عارفة انك تعبانة ومش هتقدرى تخلفى دوقتى او بعد كده .....
سمية پصدمة مقاطعة اياها آسر قالك!!!!!!!!!!
ميرفت لا والله يا بنتى ....انا اللى عرفت ...الست يا بنتى لازم تضحى عشان سعادة الراجل...انتى شايفة آسر بيحب الاطفال ازاى ومتعلق بيهم ..وشايفة فرحة ويوسف ولا عمرو باطفالهم....متحرميش ابنى من الفرحة دى يا سمية ..
سمية بغصة المطلوب منى ايه يا طنط...
ميرفت انا كلمت آسر فى الموضوع ده اكتر من مرة لكن هو رافض...انا عارفة انه بيبك ومش عايز يجرحك بس يا بنتى هو زيه زى باقى الرجالة عايز يشوف ولاده حواليه ..
سمية بصوت مخټنق مفهمتش بردو انا مطلوب منى ايه 
ميرفت قوليله يتجوز يا سمية ...هو مش هيتجوز غير لو انتى قولتيله ...يا بنتى ربنا مبيرضاش بالظلم وحاله ده ظلم ليه ...هو بيحبك وعمر اللى هو هيتجوزها دى مهتاخد مكانك فى قلبه ...لكن على الاقل يشوف ذريته حواليه ..ابنى مش صغير الى اده عندهم طفل واتنين 
سمية بهمس يتجوز !!!!!
ميرفت باسترسال انا عارفة انه صعب على اى واحدة ...بس انا عارفة انك بتحبيه وتتمنى له السعادة ...والست بتضحى عشان سعادة جوزها ...وانا عارفة انك مش انانية ...ها قولتى ايه 
سمية پضياع اقول ايه فى ايه يا طنط حضرتك عيزانى اقوله روح اتجوز واحدة تانية 
ميرفت عشان سعادته ..انا عارفة انه طلب صعب على اى واحدة ...
سمية بتهكم ويا ترى هدورله على عروسة كمان واروح اخطبهاله 
ميرفت بسرعة لا ...العروسة موجودة...نادين بنت ثريا ...كانت متجوزة قبل كده بس انفصلت عن زوجها كان مبيخلفش ومحبش يظلمها معاه هى كمان ...ها قولتى ايه 
البارت ال 82
توجهت الى الحمام اغتسلت سمية لعل الالم ينجلى ....توضأت وارتدت ثيابها ...خرجت لم تجد آسر بالغرفة ..ولكنها سمعت صوته يهاتف احدهم....شرعت فى الصلاة ....بينما اتاه هاتف من رقم محبب اليه ..خرج الى الشرفة ..
آسر بحبور السلام عليكم 
باسل وعليكم السلام ...هلا بالناس اللى عندن ثورة ونسيو اخوتن 
آسر عقبالكم يا عم ...
باسل آآآآآآآآآآآآآآآآمين ..واللى انى فقدت الامل فينا المهم كيفك وكيف سمية ان شاالله بخير 
آسر الحمد لله تمام....انت ازيك وازى يمن زالعفريتة الصغننة
باسل كلنا مناح الحمد لله والصغنونة مجننتنا والله ..الله يهديها 
آسر آآين يارب وييباركلك فيها ...
باسل آسر بعرف انه الوقت متأخر عنكن بس فى شئ مهم بدى اقلك اياه ...
آسر باهتمام خير ...
باسل كيف وضع سمية هلا ...حياتها كيفها
آسر باستغراب الحمد لله ..كويسة بس ليه 
باسل لانه الموضوع خاص فيها ...شوف آسر ...انا لما قريت الريبورتات تبعها ...وعرضتهن ع الدكاترة هون ..قالولى شى واحد وانت بتعرفه ..هو زرع القلب ...اذا بدكن فينا نعمل التحاليل والاشعات ونشوف فرص نجاحها شو...
آسربقلق يا باسل انت عارف ان العملية دى مش سهلة انا خاېف عليها .....
باسل شوف نسبة نجاحها الان حوالى 85 بالمية ....وراح تكون بالمانيا فى هايدلبيرغ ...انا راح اكون هونيك الشهر الجاى ..وراح ضضل لفترة 
آسر انا مقدرش اخاطر بحياتها ولو بنسبة 1....مقدرش..
باسل والله الامرمتوقف عليكن انتو الاتنين...بس انا كطبيب بعرف حالة سمية اديش مأثرة على حياتها ... وفى الاول والاخير القرار راجعلكن ....
آسر ربنا يقدم الخير ...المهم عامل ايه فى التدريس للطلبة عندك ...
باسل والله انها متعة ...وانت .ما تعينت عنكن 
آسر بهم لا...انا مقدمتش اساسا..مسكت شغل العيلة ...ومفيش وقت ..
باسل معقولة بس هاد كان حلمك من لما ايجيت هون 
آسر مش كل احلامنا بتحقق يا باسل ...فيه احلام لو اتحققت هتمحى حاجات كتيييييييير اوى من حياتنا ..
باسل الله يوفقك ززبس حاول ا نشا الله تدرس ولو يوم واحد ...اعتقد انه واحد مثلك بمجالك صعب اى جاامعة ترفضه..
آسر يا سيدى ...سيبها ع الخالق ...طولت عليك .معلش
باسل ولك لا تقول هالكلام....انا بس حبيتا خبرك المهمم سلملى كتيرر عليها ...وبلغها سلام يمن كمان 
آسر يوصل ان شاء اللله ...ربنا يكرمك ويوفقك ..فى رعاية الله ...
انتهت سمية من صلاتها وجدتها مازال يتحدث بالهاتف...خرجت الى الشرفة وجدته مرتكنا على الصورر يتأل ما حوله ...شاردا فىملكوت الله ...وقفت بجواره ...واتكئت هى الاخرى ..
سمية حتى وانت ساند على السور اطول منى ..
نظر لها آسر بابتسامة حب ..وحوطها بيده...
آسر والله انتى اللى قصيرة 
سمية بحب تستند على صدره عارف كده احسن....اصل انا لو سندت راسى كده اسمع دقات قلبك على طول ..ول 
آسر سمعاها بتقول ايه ...
سمية امم...بس يا ترى هتفضل كده على طول ...
آسر عندك شك فى كده 
سمية تنظر له خاېفة ..
آسر بحب خاېفة وانتى معايا 
سمية خاېفة مكنش معاك تانى ...
آسر ليه بتقولى كده ربنا يخلينا لبعض يا ستى ...طول ما انا عايش ياا سمية تاكدى هكون معاكى ...عمرك سمعتى عن متلازمة الفيومى 
سميةبابتسامة فيومى سيندروم لا ..دى جديدة ..
آسر مازحا دكتورة خايبة .....فيومى سيندروم دى آسر وسمية ...اوعى تخافى تانى ..
سمية ربنا يخليك ليا ويسعدك يارب 
آسر آآمين زميحرمنيش منكك ..يلا ننزل 
سمية يلا ...
نزل آسر برفقة زوجته وجد سوزان قد انتهت من ترتيب السفرة ...نظر الى السفرة ...ثم جلس 
آسر سى فود ...باين كده امى دعيالى النهاردة
سوزان وهى تغرف الاطباق يارب يعجبكم ...هتحتاج منى حاجة يا آسر بيه .
آسر للا اتفضلى ..شكرا يا سوزان..
غادرت سوزان بينما ظلت سمية شاردة الذهن تنظر الى طبقها ....واضعة يدها على خدهاا ..
آسر سمسمة ....سمية ...
سمية بانتباه نعم ....
آسر نعم الله عليكى ..كنتى فين ...
سمية معاك اهه
آسر اممم...سى فود اخدة بالك انتى ..ويغمز لها 
سمية بخجل وفيها ايه يعنى ..
آسر بهمس لاااا دى فيها كتير اوى ...بس يارب يكون زى ماكنتى عملاه ..فاكرة فتكات 
سمية بدهشة فتكات انت لسة فاكر فتكات .
آسر ودى تتنسى بردو ...بس قوليلى مين فتكات دى 
سمية ويب سايت اسمه فتكات للستات بس وكده يعنى ..متشغلش بالك
آسر ينظر لها بمكر لاا انا بالى مشغول بحاجة تانية خالص...
س ميةةبخجل وهى تبدأ فى الاكل انا بقول تاكل احسن...الوقت متاخر وانت عندك شغل بكرة ..
آسر هههه حاضر حاضر ..
كانت سمية تقشر الجمبرى بالشوكة والسکينة كذلك آسر ...
آسر بملل اووف ..احنا قدامنا لبكرة على الوضع ده 
سمية خير 
آسر سمسمة ...قشريلى الجمبرى ..
سمية ما تقشره انت ...
آسر يترك شوكته وسكينته لا يا ستى وسيبى الشوكة العليلة دى.
سمية يعنى اقشرهم بايدى كده ريحتنا هتكون تحفة ..
آسر بابتسامة ملكيش دعوة ...يلا انا جعان بجد...
سمية بابتسامة حاضر ..
بدأت سمية تقشر له الجمبرى ..وتضعه فى طبقه ولكنه امرها امرا آخرا ..
آسر باستغرب وانا اعمل ايه ان شاء الله 
سمية بعدم فهم تقصد ايه 
آسر اكلينى ..
سمية انت مالك النهاردة ...فى ايه 
آسر ههههه هقولك فوق بس اكلينى بتكلم جد والله.
بدأت سمية تطعمه وهى فى قمة الاحراج والخجل وهو ينظر لها بنظرات التسلية ...انتهيا من طعامهماا ثم صعدا الى غرفتهما دخلت سمية ثم بعدها آسر ...
سمية بعفوية اففف ريحة هددومى وايدى بشعة ..
آسر ههههه..ادخلى غيرى ..
سمية لا د ه انا هدخل اخد شاور لازم .
آسر يمسكها من خصرها ويقربها اليه متتأخريش...
سمية بارتبك حاضر ...
آسر هههههه
اخذت سمية ملابسها ثم اخذت حماما دافئا...وخرجت ..كانت ترتدى بيجامة نوم من الحرير وترفع شعارها لاعلى بمشبك و تعطرت بعطرها الجذاب ...كان آسر ممدا جسده على السرير ويقرأ كتابا ..نظر لها ابتسم ...اتجهت الى الفراش 
آسر ارتحتى كده ..
سمية وهى تتلحف والله كنت قرفانة من نفسى بجد..
آسر انتى هتنامى دلوقتى 
سمية اممم يادوب نلحق نصحى قبل الفجر عشان نصلى ..
آسر يقبل جبهتها متقلقيش هنلحق....قومى بس عايزك فى حاجة ..
سمية خير 
آسر يحك رأسه كل خير ....وحشتينى .. يقرب اليها جدا ...جدا ....جدا .......
اما ميرفت فكانت مع ثريا وصديقاتها الاخريات ....رحلن جميعا عدا ثيا التى طلبت منها ميرفت ان تظل ..
ثريا خير يا ميرفت الوقت تاخر 
ميرف كل خير ان شاء الله ..عايزة اقولك حاجحة هتفرحك اوى 
ثريا قولى خير .
ميرفت بثقة جهزى نادين كلها كام يوم ونيجى نخطبها لآسر ..
ثريا بدهشة انتى بتقولىبل ايه 
ميرفت والله زى ما بقولك كده متقلقيش انا حبيتا فرحك انتى كمان ..
ثريا طيب ومراته 
ميرفت موافقة ...انا قولتلها 
ثريا بتعجب شديد ازاى ...انتى بتتكلمى جد 
ميرففت ههههه اه والله ..
ثريا بس يا ميرفت تلاقى فى قلبها ڼار دلوقتى ليه كده ..
ميرفت لا اطمنى هى عارفة ا ن ده الصح ..المهم خللى نادين تيجى بكرة 
ثريا نادين مع صحابها فىى رحلة الاقصر واسوان وهتيجى كمان يومين تلاتة كده 
ميرفت خللاص ...ماشى انا مستنياها ...ربنا يارب يتمم الموضوع ده على خير...وهعملهم فرج متعملش قبل كده ولا هيتعمل ..
ثريا يا ميرفت ملوش داعى الاتنين اتجوزوا قبل كده ....انا همشى لانى تاخرت...مع السلامة ...
كانت تتمنى ان تظل هكذا الى الابد ...خطرت لها فكرة زواجه من أخرى تنهدت بالم شديد...
آسر بتفكرى فى ايه 
سمية ولا حاجة ..
آسر سمسممة كنت عايز اقولك على حاجة ...بس القرار راجعلك انتى وبس..مش لحد تانى ..ماشى 
سمية خير ..قلقتنى ..
آسر يقبل جبهتها كل خير ..باسل كلمنى النهاردة وقاللى على موضوع كده ..
سمية خير يا آسر ..قوول 
آسر قاللى على موضوع عملية زراعة القلب...هو مشجع الفكرة دى ...
سمية وانت يا آسر ..
آسر يتنهد مش مهم انا المهم انتى ...قاللى نسبة نجاحها 85 تقريبا ...وبتتعمل فى المانيا ...
سمية انت رايك ايه ..رديت عليه بايه 
آسر ملكيش دعوة رايى ...انا بقولك