قلب ليس من حقه الحب
فى اى وقت هتلاقينى جمبك ومعاكى ..
سمية بتهكم ياااه من امتى ..
آسر من زمان اوى ....من يوم فرح ملك والله وانتى شديتينى وشغلتى قلبى وعقلى ...فضلت اتعلق يوم عن يوم بيكى ...
سمية متكدبش عليا ...
آسر بصدق والله مبكدب ....نفسى تكملى حياتك معايا ونكون مع بعض انا وانتى وبس
سمية بعفوية وميرنا...وابنك اللى فى بطنها موقعهم ايه فى حياتك
آسر پصدمة انتى بتقولى ايه ....
سمية تبتسم بسخرية انا عارفة انك متجوز واحدة غيرى من زمان تخيل .....كنت عارفة انك بتروح وتبات عندها مش فى شغل ولا حاجة ....كنت بقعد خاېفة فى اوضتى لوحدى فى البيت ...وانت معين عليا حارس..كنت مآمن عليا معاه ..اكيد مفكرتش.....وعرفت كمان انها حامل منك وقت ما انت عرفت ...شوفت ازاى ...هه...ربنا يتمملها على خير ويجيلك مولودك كويس وسليم يا ابن عمى ....ويخليكم لبعض ....الاسرة مبتتعوضش ...عن اذنك ....
آسر انتى غلطانة ...انتى فاهمة غلط ...الموضوع مش كده خالص ...انا هفهمك كل حاجة
سمية متوجهة نحو سريرها سيبنى انام وارتاح ...وانسى ...سيبنى ....
آسر انتى لازم تفهمى ...
سمية بعصبية وانا مش عايزة افهم....سيبنى ... حرام عليك بأى سيبنى اعيش اليومين اللى باقيين لى فى راحة بال وسعادة ..
آسر انا ....
لم يكمل آسر جملته سبب رنين هاتفه ..نظر له ...انه رقم ينتظره منذ ايام...اخذ هاتفه وتوجه خارجا دون ان ينطق ببنت شفة ....بينما اخلدت لنومها واحلامها ....خرج آسر وتوجه للحديقة ورد ...
آسر السلام عليكم ازيك يا باسل
باسل الله يسلمك منيح ...انت كيفيك وسمية كيفها .
آسر الحمد لله ..ها طمننى
باسل بتنهيدة انت متأكد انه ها التقارير والاشعات لسمية مرتك ...وما فيها اى خلل او خطأ
آسربقلق ايوة ...خير ....
باسل بدى اياك تكون قوى ...مرتك بحاجة قوتك وحنانك آسر مو اهمالك ..
آسر بنفاذ صبر متريحنى يا باسل ...
باسل ما فى لالها علاج نهائى ولا دوائى ولا جراحى....الدوا اللى راح تاخده هو علاج اعراض مو علاج لعضلة قلبها
آسر بهدوء يعنى ايه
باسل يعنى ...خليك جمها ....ماراح تلاقى اللى بدك اياه برات مصر صدقنى ..
آسر بانفعال ليه يعنى هى ذنبها ايه ټموت وتتعيش حياة هى مش تستحقها ...هى معملتش حاجة لكل ده ...
باسل استغفر ربك مو منيح هالحكى ها . ...الحل الوحيد وممكن نلجأ له بآخر فرصة ووقت لما تكون يعنى لا قدر الله ..تعبانة لدرجة شديدة ....بآخر مرحلة بمرضها ...بنآيس وبنحاول نعمل زرع قلب ...لكن مو كتير بتنجح لانه الها متطلبات معينة يعنى لاوم القلب يكون صاحبه متوفى من شى ساعتين بالكتير وبتكون الانسجة متطابقة .ولو لقينا هالاشياء...احتمال كبير الجسم ما يتقبله لانه بيعامله على اساس انه جسم غريب عنه ..
آسر انا مش هستنى لما سمية ټموت وانا واقف بتفرج ....
باسل خليك جمبها ما تزعلها ..احتويها بحبك الها وحنانكواهتمامك فيها ...حاول تعوضها عن كل شئ صار ...لا تحسسها بشفقة منك....حسسها بحبك...وياريت يا آسر ما يصير حمل بنوب بنوب...وحاول يعنى العلاقة اللى بيناتكن تخللى بالك منها...اكيد فهمتنى
آسر بحزن ايوة يا باسل ....انا متشكر جدا ..آسف انى ازعجتك ....
باسل لا تقول هيك ..انا آسف مشان ما قدرت ساعدك ...ان شا الله الله بيخفف عنها ...سلملى عليها كتير
آسر يوصل ان شاء الله.... .مع السلامة
اغلق آسر هاتفه بينما جلس على المرجوحة التىتوجد بالحديقة ..احس بالضياع ...بالذنب ...بالعجز ....لماذا يحدث لها هكذا لماذا ...اهو ابتلاء لها ام عقاپ له ....نظر الى شرفة الغرفة ...نهض وتوجه اليها ....دخل الغرفة بهدووووء شديد...ليجدها نائمة كالملاك ...شعرها خلفها على الوسادة...كانها عروس...اقترب منها برفق ودثرها جيدا ....بينما كانت الاجواء مشحونة بالتوتر والقلق فى القاهرة ...كان الثلاث على السفرة ....
ميرفت امال صاحبك فين يا جو
يوسف بارتباك معرفش يا طنط..ممكن مع سمية فى المستشفى ...
ميرفت بعصبية معدش فاضل غيرها يشتغل ليها ممرض...
مى ماما...لو سمحتى دى مراته ...سواء ضرتك حبيتيها او لا هو بيحبها..ومتمسك بيها ...خلاص يا ماما...
ميرفت بتحدى لا مش خلاص....وهيطلقها يعنى هيطلقها...دى بتدلع من الاول مقعداه جمبها...
يوسف يا طنط محدش عارف ظروفهم ....بس بليز يا طنط سيبيهم فى حالهم وخصوصا آسر متضغطيش عليه ...ولا سمية
ميرفت بعند لا والله ...انتوا كلكم معاها بأى ...انا هخليه يطلقها ويتجوز نادين بنت ثريا....وبكرة تشوفوا
مى بعصبية يا ماما ليه حضرتك اخداها تحدى ...هو احنا فى حرب...اتنين اتجوزا وبيحبوا بعض...خلاص سيبيهم فى حالهم...وآسر مش هيسمح باللى حضرتك بتفكرى فيه دهعن اذنكم....
يوسف الحمد لله سفرة دايمة يا طنط .....عن اذنك ...
دخلت مى غرفتها ثم حملت صغيرها....وتأهبت للمغادرة ...دخل عليها زوجها...وجدها فى حالة من الضيق ....
يوسف ايه يا ميوش...مش هتباتى
مى بضيق لا...انا عايزة اروح ..
يوسف بس انا مسافر بكرة الفجر...
مى بنفاذ صبر هقعد فى بيتى يا سيدى مع طنط مديحة ...
يوسف ببصى يا حبيبتى ...انا عارف ان طنط ميررفت ملهاش حق فى اللى عملته ...بس ۏفاة عمى الله يرحمه اثثرت عليها بردو...اعذريها...عايزاكوا جمبها ....
مى پبكاء الله يرحمك با بابا الله يرحمك.....لو كان عايش مكنش رضى باللى هى بتعمله
يوسف الله يرحمه ...وآسر كمان مش هيرضى صدقينى ....لازم تكونى مع ماماتك ..من باب بر الوالدين يا ستى ...
مى يا يوسف ..مش هقدر...
يوسف اقعدى معاها يومين وبعد كده امشى ...لو مشيتى دلوقتى هتقول انتو الاتنين سبتوها بسبب سمية ...وهتكرهها اكتر...بلاش
مى انا معرفش سمية عملتلها ايه ...والله سمية طيبة اوى يا يوسف...انت شوفت ازاى كانت شايلة همنا لوحدها لما بابا الله يرحمه توفى
يوسف ايوة عارف والله ...ربنا يجازيها خير ويحبب مامتك فيها ....مى يارب يايوسف....بقولك خليك هنا الليلة دى وسافر من هنا
يوسف حاضر يا حبيبتى ....نومى محمود باشا الصغير ...ويلا ننزل نقعد مع مامتك ...
مى بحنان تقبل وجنته ربنا يخليلك ليا يا احن زوج فى الدنيا وميحرمنيش منك
يوسف بحنان ولا منك يا حبيبتى ...يلا ..بأى ...
نزلت مى برفقة زوجها لامها وحاولت ان تقضى يومها مع امها وتتجنب الحديث معها عن سمية وآسر ....استيقظت سمية بعد فترة ليست بالقليلة وجدت الليل قد احل....فزعت ...وشهقت ....
سمية استغفر الله العظيم يارب....
نهضت سمية ...واسرعت الى الحمام ...احس بحركتها آسر فاستيقظ هو الآخر...جلس الاريكة ..نظر فى ساعته ليجدها الثامنة مساءا.....نظر حوله لم يجدها...خرجت مسرعة من الحمام...وفرشت سجادة صلاتها ...ثم صلت مافاتها من فروض...قد فاتها العصروالمغرب...دخل آسر الحمام ثم توضأ وخرج وبدأ فى صلاته هو الاخر...انتهت سمية من صلواتها ....ثم جلست على سريرها تبكى .....انتهى آسر من صلاته ....ثم توجها لها وجلس بقربها ....
آسر طيب بتعيطى ليه ....
سمية انا آسفة ....بجد انا آسفة ...انا غلطت فى حقك...زعلت منى صح
آسر باستغراب ليه بتقولى كده ...انا عمرى ما ازعل منك ....مالك...ايه اللى مخليكى تقولى كده ..
سمية تبكى ربنا زعلان منى ...ربنا مخلنيش اقابله النهاردة فى المعاد ....
آسر بعدم فهم مش فاهم ...
سمية تبكى اكثر راحت عليا نومة ...مصليتش لا عصر ولا مغرب....عمرها ما حصلتلى ...لو كنت بمۏت بقوم واصلى ...انا آسفة متزعلش منى ...ربنا عاقبنى بسبب زعلك ....سامحتنى
لم يجبها آسر...عجز لسانه عن نطق اى كلمة اخرى ....ما هذه البراءة المتناهية ...هل يوجد مثلها...تذكر كلام باسل صديقه....فرت من عينيه دمعة صادقة ...نظرت له سمية لم يرد عليها ...وجدت بعينيه نظرة لم تفهم ماهيتها...ولكنها وجدت دمعة من عينيه...اسرعت ومستها دون وعى ...امسك يدها ...وظل يمسح عليها ....لم تفهم ماذا يجرى ...
سمية للدرجة دى انت زعلان منى ...انا آسفة ...والله مش هعمل كده تانى ...انا...
آسر مقاطعا اياها انتى ايه ...انتى ملاك ...انا عمرى مشففت حد كده ....
سمية باحراج يعنى مسامحنى ...
آسر بتنهيدة بشرط ...انك تسمعينى
سمية بشئ من الراحة اتفضل ...
آسر اولا زواجى من ميرنا كان له ظروف...كانت رد فعل لبابا ...
سمية لما فرضنى عليك ...
آسر ربنا يرحمه ..ياريته كان عملها من زمان ...المهم ...وولدها كمان تقدرى تقولى ممستقبلى كان فى ايده ...تزوجتها...من اول يوم وانا عرفت ان الموضوع كان غلط من الاول وان دى لحظة تسرع وتهور..المهم علاقتنا مكنتش كويسة واحنا الاتنين مكناش مرتاحين...انا كنت بالنسبة ليها دوا لفترة صعبة من حياتها وهى كانت بالنسبة ليا نموذج الست الغربية المتعلمة المتحضرة المثقفة الجميلة ....يعنى مكنش حب ..لما تجوزتك....عرفت انا مبحبهاش ليه وحبيتك ليه ...المهم ...حكاية ابنها دى ...فميرنا مش حامل منى زى ما انتى فاكرة ...ميرنا حامل من زوجها الحالى ..وجبيبها اللى كان قبلى ستيفن ....انا عمرى محبيتها يا سمسة ..حتى لما بكون معاها قلبى وعقلى معاكى انتى ...لما جت المستشفى ..كنت هتجنن...انتى اللى متزعليش منى ....
سمية پصدمة يعنى انت دلوقتى طلقتها
آسربابتسامة ايوة ...
سمية ربنا يرزقك ببنت الحلال..والذرية الصالحة ...
آسربتلميح طيب ما هى بنت الحلال موجودة..ومش راضية ...
سمية فى غيرها كتير احسن منها....
آسر لا مفيش...
سمية انت صليت ولا راحت عليك نومة انت كمان ..
آسر لا صليت العصر ونمت صراحة
سمية بحزن طيب مصحتنيش ليه
آسر قولت اسيبك نايمة ...كنتى تعبانة ..خۏفت عليمى
سمية ومخفتش عليا من عقاپ ربنا....المهم ...اكيد لسة مكلتش
آسر بصراحة ...لأا...وھموت من الجوع ....
سمية طيب...انا هروح اقول لسامية تحضرلك الاكل...
آسربابتسامة سوتيه واكل عيانين....
سمية اكيد انت عرفت انا كنت بعمله ليا هناك ليه....
آسر بابتسامة هناكل بط يعنى ولا حمام ...
سمية ده انت داخل على ططمع ...معرفش ..انا هروح اشوفها ..
آسر لا لا خليكى وانا هروح ....
سمية مينفعش...خليك..
آسر بجدية رجعنا للدلع ...قولت اقعدى وانا اهروح ..
سمية حاضر ....
آسر مبتجوش غير بالعين الحمرا ...حتى انتى ....
خرج آسر وتوجه لسامية التى وجدها تشاهد التلفاز بالنطبخ ...تنحنح آسر ثم دخل....
آسر ايه يا سامية هناكل ايه ....ولا مطبختيش...
سامية لا يا آسر بيه ....ده انا عملتلكم من بدرى ...حمام وفراخ لست سمية ..وطاجن بامية بالكوارع ....بس خبطت عليكم محدش رد عليا ...فقولت نايمين...احضرلكم الاكل...
آسر هى دى فيها كلام ....بسرعة الله يخليكى ...بس هاتيه الاوضة ...
سامية امرك يا بيه.....
توجه آسر للغرفة ثم طرق الباب عدة طرقات ثم دخل ...وجدها تجلس على سريرها ممسكة كتابا وتبتسم له....اقبل عليها وجلس بجوارها ...
آسر كتاب ايه ده
سمية الحب والحياة لمصطفى محمود ...كتاب صغنون بحب اقراه قبل ما انام...
آسر أأأأه اللى فيه جدا جدا
سمية ايوة ...
آسر انا قريته قبل كده بس من زمان اوى....عجبنى فيه رأيه فى الحب الاول...لما قال ان الرجل بيكون مخطئ لما يتجوز اول حب يقابله ...
سمية بس اللى شدك فى الكتاب
آسر ده اللى انا فاكره من الكتاب...انتى ايه اللى شدك
سمية الفقرة اللى بتقول ...ان فرحنا جدا جدا فرح اليم فرح يرتجف فرح يبكى ...حتى الفرح حينما يستحوذ علينا جدا جدا فانه يهزمنا بما يشبه الحزن ...اننا من فرط خوفنا على هذا الفرح ومن
